gharon ke tale sanbhaal rakkho safar ki saat qarib-tar hai

gharoñ ke taale sañbhāl rakkho safar kī saa.at qarīb-tar hai

havā kā ruḳh ye batā rahā hai phir ek hijrat qarīb-tar hai

jo fasl boī thī nafratoñ kī ab us se bharne lage haiñ āñgan

amal jo tum ne kiyā hai lagtā hai us kī shāmat qarīb-tar hai

palaT ke dil kī taraf hī aanā hai phuul chehre kī sho.alagī ko

ḳhushī kī shiddat batā rahī hai koī aziyyat qarīb-tar hai

isī meñ umreñ guzār diiñ haiñ ham aise ḳhush-fahm ġham-zadoñ ne

ilaaj hone ko hai dukhoñ kā sukūñ kī sūrat qarīb-tar hai

batā rahā hai shafaq ke uḌte ġhubār meñ shaam kā sitāra

utarne vaalī hai raat phir ik azāb-e-zulmat qarīb-tar hai

gharon ke tale sanbhaal rakkho safar ki saat qarib-tar hai

hawa ka ruKH ye bata raha hai phir ek hijrat qarib-tar hai

jo fasl boi thi nafraton ki ab us se bharne lage hain aangan

amal jo tum ne kiya hai lagta hai us ki shamat qarib-tar hai

palaT ke dil ki taraf hi aana hai phul chehre ki shoalagi ko

KHushi ki shiddat bata rahi hai koi aziyyat qarib-tar hai

isi mein umren guzar din hain hum aise KHush-fahm gham-zadon ne

ilaj hone ko hai dukhon ka sukun ki surat qarib-tar hai

bata raha hai shafaq ke uDte ghubar mein sham ka sitara

utarne wali hai raat phir ek azab-e-zulmat qarib-tar hai