ghaT gai hai qadr-o-qimat aaj ke insan ki

ghaT ga.ī hai qadr-o-qīmat aaj ke insān kī

ham pe ġhālib ho ga.iiñ makkāriyāñ shaitān kī

jis tarah bhī dekhiye dahshat kā ik māhaul hai

ik khilaune ke barābar haisiyat hai jaan kī

ab dukāñ bāzār meñ ahl-e-ḳhirad kī band hai

ab ijāra-dārī hai dānā.ī par nādān kī

maiñ ne ye sachchā.ī jaanī hai bahut khone ke ba.ad

dostī achchhī nahīñ hotī kabhī nādān kī

zindagī kī mushkiloñ kā hal hai apnā hausla

kuchh usī se hotī hai khetī harī armān kī

zor-e-bātil ko zamāne meñ mayassar hai faroġh

aabrū ḳhatre meñ hai ab sāhib-e-īmān kī

zinda rahnā aaj kal 'ḳhushtar' bahut dushvār hai

bālā-dastī aaj dekhī jaatī hai balvān kī

ghaT gai hai qadr-o-qimat aaj ke insan ki

hum pe ghaalib ho gain makkariyan shaitan ki

jis tarah bhi dekhiye dahshat ka ek mahaul hai

ek khilaune ke barabar haisiyat hai jaan ki

ab dukan bazar mein ahl-e-KHirad ki band hai

ab ijara-dari hai danai par nadan ki

main ne ye sachchai jaani hai bahut khone ke baad

dosti achchhi nahin hoti kabhi nadan ki

zindagi ki mushkilon ka hal hai apna hausla

kuchh usi se hoti hai kheti hari arman ki

zor-e-baatil ko zamane mein mayassar hai farogh

aabru KHatre mein hai ab sahib-e-iman ki

zinda rahna aaj kal 'KHushtar' bahut dushwar hai

baala-dasti aaj dekhi jati hai balwan ki