falsafe ishq mein pesh aae sawalon ki tarah

falsafe ishq meñ pesh aa.e savāloñ kī tarah

ham pareshāñ hī rahe apne ḳhayāloñ kī tarah

shīshagar baiThe rahe zikr-e-masīhā le kar

aur ham TuuT ga.e kāñch ke pyāloñ kī tarah

jab bhī anjām-e-mohabbat ne pukārā ḳhud ko

vaqt ne pesh kiyā ham ko misāloñ kī tarah

zikr jab hogā mohabbat meñ tabāhī kā kahīñ

yaad ham ā.eñge duniyā ko havāloñ kī tarah

falsafe ishq mein pesh aae sawalon ki tarah

hum pareshan hi rahe apne KHayalon ki tarah

shishagar baiThe rahe zikr-e-masiha le kar

aur hum TuT gae kanch ke pyalon ki tarah

jab bhi anjam-e-mohabbat ne pukara KHud ko

waqt ne pesh kiya hum ko misalon ki tarah

zikr jab hoga mohabbat mein tabahi ka kahin

yaad hum aaenge duniya ko hawalon ki tarah