gher kar jurat-e-inkar talak le aae

gher kar jur.at-e-inkār talak le aa.e

log ham ko rasan-o-dār talak le aa.e

ham ko un par hī bharosa thā jo aksar ham ko

de ke phūloñ kī qasam ḳhaar talak le aa.e

dil ke amrāz ye dekhā hai ki darmāñ ke liye

ek bīmār ko bīmār talak le aa.e

rok paa.ī na zabāñ bhī mirī alfāz mire

valvale quvvat-e-iz.hār talak le aa.e

āsmāñ ham ne banā.e the jo apnī ḳhātir

ham jahāñ ko usī me.aar talak le aa.e

rah gayā mal ke samundar kaf-e-afsos aur ham

naav us paar se is paar talak le aa.e

thā hameñ shauq-e-asīrī na samajhnā ye 'nihāl'

lū ke jhoñke dar-o-dīvār talak le aa.e

gher kar jurat-e-inkar talak le aae

log hum ko rasan-o-dar talak le aae

hum ko un par hi bharosa tha jo aksar hum ko

de ke phulon ki qasam KHar talak le aae

dil ke amraaz ye dekha hai ki darman ke liye

ek bimar ko bimar talak le aae

rok pai na zaban bhi meri alfaz mere

walwale quwwat-e-izhaar talak le aae

aasman hum ne banae the jo apni KHatir

hum jahan ko usi mear talak le aae

rah gaya mal ke samundar kaf-e-afsos aur hum

naw us par se is par talak le aae

tha hamein shauq-e-asiri na samajhna ye 'nihaal'

lu ke jhonke dar-o-diwar talak le aae