ghup KHamoshi jaise qabristan mein hun

ghup ḳhāmoshī jaise qabristān meñ huuñ

kyā maiñ zinda lāshoñ ke asthān meñ huuñ

raat Dhale vīrānī milne aatī hai

jāntī hai maiñ us ke aqd amaan meñ huuñ

sard havā.eñ yaad us kī biphrā mausam

vahshat-e-zīst batā maiñ kis ke dhyān meñ huuñ

phir sarsabz hue jaate haiñ saare peḌ

lagtā hai ik maiñ hī namak kī kaan meñ huuñ

jānte ho is vaqt mirī hālat hai kiyā

kaalā phuul udāsī ke gul-dān meñ huuñ

vāpas jaane vaale ghar ko jaate haiñ

maiñ āzād parinda kis zindān meñ huuñ

lū se ziyāda tez nigāhoñ kī āñdhī

maiñ jīvan ke aise registān meñ huuñ

ghup KHamoshi jaise qabristan mein hun

kya main zinda lashon ke asthan mein hun

raat Dhale virani milne aati hai

jaanti hai main us ke aqd aman mein hun

sard hawaen yaad us ki biphra mausam

wahshat-e-zist bata main kis ke dhyan mein hun

phir sarsabz hue jate hain sare peD

lagta hai ek main hi namak ki kan mein hun

jaante ho is waqt meri haalat hai kiya

kala phul udasi ke gul-dan mein hun

wapas jaane wale ghar ko jate hain

main aazad parinda kis zindan mein hun

lu se ziyaada tez nigahon ki aandhi

main jiwan ke aise registan mein hun