ghuT ke rah jati hain sine mein sadaen kitni

ghuT ke rah jaatī haiñ siine meñ sadā.eñ kitnī

jam ga.ī haiñ mere hoñToñ pe duā.eñ kitnī

pūchhnā chāhiye aadam ko ḳhudā se apne

ek hī jurm kī hotī haiñ sazā.eñ kitnī

zahr-ālūd hañsī gāliyāñ aañsū ash.ār

mere jazbāt ne oḌhī haiñ ridā.eñ kitnī

haq kī āvāz ko pahchān sakūñgā kaise

gūñjtī haiñ mere kānoñ meñ sadā.eñ kitnī

mere ḳhāliq mujhe itnī to ḳhabar dī jaa.e

mujh se sarzad abhī honā haiñ ḳhatā.eñ kitnī

kuchh hisāb is kā farishtoñ ne bhī rakkhā hogā

mustarad kar dī ga.iiñ merī duā.eñ kitnī

raas aane kī tarah raas nahīñ aatī haiñ

kaj haiñ doshīza-e-hastī kī adā.eñ kitnī

ghuT ke rah jati hain sine mein sadaen kitni

jam gai hain mere honTon pe duaen kitni

puchhna chahiye aadam ko KHuda se apne

ek hi jurm ki hoti hain sazaen kitni

zahr-alud hansi galiyan aansu ashaar

mere jazbaat ne oDhi hain ridaen kitni

haq ki aawaz ko pahchan sakunga kaise

gunjti hain mere kanon mein sadaen kitni

mere KHaliq mujhe itni to KHabar di jae

mujh se sarzad abhi hona hain KHataen kitni

kuchh hisab is ka farishton ne bhi rakkha hoga

mustarad kar di gain meri duaen kitni

ras aane ki tarah ras nahin aati hain

kaj hain doshiza-e-hasti ki adaen kitni