ghuTan hai aur ajab bebasi hawa mein hai

ghuTan hai aur 'ajab bebasī havā meñ hai

yaqīn jaan baḌī tishnagī havā meñ hai

ye kaun ho gayā ruḳhsat mile baġhair hameñ

hai sogvār nagar ḳhāmushī havā meñ hai

har ek phuul ghuTan kā shikār lagtā hai

zarā pata to karo kyā kamī havā meñ hai

tumhāre shahr ke sab log bad-mizāj hue

karaḳht lahje haiñ aur be-ruḳhī havā maiñ hai

falak se aane lagīñ qahqahoñ kī āvāzeñ

gumān hone lagā zindagī havā meñ hai

likhā hai naam tirā raat kī hathelī par

jahāñ mahakne lagā hai ḳhushī havā meñ hai

tirī ġhazal meñ jo ehsās hai na.e-pan kā

ye us kā faiz hai yā tāzgī havā meñ hai

ghuTan hai aur 'ajab bebasi hawa mein hai

yaqin jaan baDi tishnagi hawa mein hai

ye kaun ho gaya ruKHsat mile baghair hamein

hai sogwar nagar KHamushi hawa mein hai

har ek phul ghuTan ka shikar lagta hai

zara pata to karo kya kami hawa mein hai

tumhaare shahr ke sab log bad-mizaj hue

karaKHt lahje hain aur be-ruKHi hawa main hai

falak se aane lagin qahqahon ki aawazen

guman hone laga zindagi hawa mein hai

likha hai nam tera raat ki hatheli par

jahan mahakne laga hai KHushi hawa mein hai

teri ghazal mein jo ehsas hai nae-pan ka

ye us ka faiz hai ya tazgi hawa mein hai