ghuTi ghuTi KHak mein dabi is sada se aage

ghuTī ghuTī ḳhaak meñ dabī is sadā se aage

hai aur sahrā-e-marg karb-o-balā se aage

mire masīhā talāsh kar dhaḌkanoñ ke jugnū

yahāñ vahāñ zindagī paḌī hai fanā se aage

nigal ga.ī hañste-kheltoñ ko palak jhapakte

sitamgarī meñ zamīñ baḌhī intihā se aage

unhīñ kī sāñsoñ ko le uḌe āñdhiyoñ ke rele

jo ūñchā uḌne kī chaah meñ the havā se aage

sharīk-e-ġham sab hue haiñ lekin ye vaqt vo hai

ki jis meñ darkār aur kuchh hai duā se aage

maiñ chhat tale pīTtī huuñ 'raḳhshanda' apne sar ko

ki ham-nafas nañge sar khaḌe haiñ ridā se aage

ghuTi ghuTi KHak mein dabi is sada se aage

hai aur sahra-e-marg karb-o-bala se aage

mere masiha talash kar dhaDkanon ke jugnu

yahan wahan zindagi paDi hai fana se aage

nigal gai hanste-khelton ko palak jhapakte

sitamgari mein zamin baDhi intiha se aage

unhin ki sanson ko le uDe aandhiyon ke rele

jo uncha uDne ki chah mein the hawa se aage

sharik-e-gham sab hue hain lekin ye waqt wo hai

ki jis mein darkar aur kuchh hai dua se aage

main chhat tale piTti hun 'raKHshanda' apne sar ko

ki ham-nafas nange sar khaDe hain rida se aage