ghumne jab wo sham se nikle

ghūmne jab vo shaam se nikle

ham bhī apne maqām se nikle

aarzū hai ki chalte-phirte hī

ruuh qaid-e-davām se nikle

sirf sayyād hī kī ġhaflat se

said kitne hī daam se nikle

ahl-e-duniyā se the jo nā-mumkin

kaam vo tere naam se nikle

aaj hājat-ravā.ī kī ḳhātir

aap kyā mere kaam se nikle

mai hai yā koī aag hai saaqī

kitne hī sho.ale jaam se nikle

un ke dil meñ maqām paane ko

ham bhī kuchh ehtimām se nikle

aaj 'ḳhākī' ke kuchh dilī armāñ

kaam ke iḳhtitām se nikle

ghumne jab wo sham se nikle

hum bhi apne maqam se nikle

aarzu hai ki chalte-phirte hi

ruh qaid-e-dawam se nikle

sirf sayyaad hi ki ghaflat se

said kitne hi dam se nikle

ahl-e-duniya se the jo na-mumkin

kaam wo tere nam se nikle

aaj hajat-rawai ki KHatir

aap kya mere kaam se nikle

mai hai ya koi aag hai saqi

kitne hi shoale jam se nikle

un ke dil mein maqam pane ko

hum bhi kuchh ehtimam se nikle

aaj 'KHaki' ke kuchh dili arman

kaam ke iKHtitam se nikle