gir jaegi aaKHir ko ye diwar kisi din

gir jā.egī āḳhir ko ye dīvār kisī din

ban jā.egā inkār hī iqrār kisī din

is aas pe guzre haiñ ka.ī saal mahīne

aa.egā palaT kar vahī itvār kisī din

māñgeñge murādeñ sabhī ushshāq yahāñ par

ban jā.egā marqad mirā darbār kisī din

sunte haiñ shifā miltī hai dīdār se tere

aa baiTheñge dar par tire bīmār kisī din

lagtā hai ye ḳhush-fahmī haqīqat bhī banegī

pā.eñge sazā chauk meñ ġhaddār kisī din

mazlūm ke hāthoñ meñ galā hogā tumhārā

lagnā hai tamāshā sar-e-bāzār kisī din

gir jaegi aaKHir ko ye diwar kisi din

ban jaega inkar hi iqrar kisi din

is aas pe guzre hain kai sal mahine

aaega palaT kar wahi itwar kisi din

mangenge muraden sabhi ushshaq yahan par

ban jaega marqad mera darbar kisi din

sunte hain shifa milti hai didar se tere

aa baiThenge dar par tere bimar kisi din

lagta hai ye KHush-fahmi haqiqat bhi banegi

paenge saza chauk mein ghaddar kisi din

mazlum ke hathon mein gala hoga tumhaara

lagna hai tamasha sar-e-bazar kisi din