gir rahi hain aasman se bijliyon par bijliyan

gir rahī haiñ āsmāñ se bijliyoñ par bijliyāñ

sochtā huuñ maiñ tumheñ phir dekhtā huuñ āshiyāñ

be-sahārā panchhiyo tum ko vo manzar yaad hai

kaT rahe the jab shajar tum dekhte the āriyāñ

sirf itnī aarzū vo bhī adhūrī rah ga.ī

haath meñ vo haath ho aur uñgliyoñ meñ uñgliyāñ

ḳhvāb meñ chūmā thā tum ne aur tab se aaj tak

gher letī haiñ mujhe har gulsitāñ kī titliyāñ

ḳhair tum milne na aa.e saarī duniyā aa ga.ī

'umr-bhar chhā.ī rahī palkoñ meñ merī badliyāñ

āḳhir itnā to batā do jāntī ho tum mujhe

dekh kar murjhā rahīñ kyoñ gulshanoñ kī kyāriyāñ

gir rahi hain aasman se bijliyon par bijliyan

sochta hun main tumhein phir dekhta hun aashiyan

be-sahaara panchhiyo tum ko wo manzar yaad hai

kaT rahe the jab shajar tum dekhte the aariyan

sirf itni aarzu wo bhi adhuri rah gai

hath mein wo hath ho aur ungliyon mein ungliyan

KHwab mein chuma tha tum ne aur tab se aaj tak

gher leti hain mujhe har gulsitan ki titliyan

KHair tum milne na aae sari duniya aa gai

'umr-bhar chhai rahi palkon mein meri badliyan

aaKHir itna to bata do jaanti ho tum mujhe

dekh kar murjha rahin kyon gulshanon ki kyariyan