girain dil ke nasheman pe bijliyan usne

girā.īñ dil ke nasheman pe bijliyāñ us ne

umīd-o-pyār kī bhaḌkā diiñ bastiyāñ us ne

mire ḳhulūs se pā.īñ ye shoḳhiyāñ us ne

ḳhushī ke paañv ko diiñ ġham kī beḌiyāñ us ne

ġham-e-hayāt kī dekhī na jhalkiyāñ us ne

saham saham ke ba-zāhir liiñ siskiyāñ us ne

sunī baġhaur jūñhī dil pe bītyāñ us ne

uThā.ī mere irādoñ kī arthiyāñ us ne

mire vaqār kā paidā yahāñ savāl huā

mirī taraf jo uThā.ī haiñ ungliyāñ us ne

uḌā ke band jo kī dast-e-nāz se khiḌkī

banā.īñ aise mire ḳhat kī titliyāñ us ne

vafā ke baad bhī ai 'dil-navāz' hairat hai

uḌā diiñ rah ke mire dil kī dhajjiyāñ us ne

girain dil ke nasheman pe bijliyan us ne

umid-o-pyar ki bhaDka din bastiyan us ne

mere KHulus se pain ye shoKHiyan us ne

KHushi ke panw ko din gham ki beDiyan us ne

gham-e-hayat ki dekhi na jhalkiyan us ne

saham saham ke ba-zahir lin siskiyan us ne

suni baghaur junhi dil pe bityan us ne

uThai mere iradon ki arthiyan us ne

mere waqar ka paida yahan sawal hua

meri taraf jo uThai hain ungliyan us ne

uDa ke band jo ki dast-e-naz se khiDki

banain aise mere KHat ki titliyan us ne

wafa ke baad bhi ai 'dil-nawaz' hairat hai

uDa din rah ke mere dil ki dhajjiyan us ne