girte hain log garmi-e-bazar dekh kar
girte haiñ log garmī-e-bāzār dekh kar
sarkār dekh kar mirī sarkār dekh kar
āvārgī kā shauq bhaḌaktā hai aur bhī
terī galī kā sāya-e-dīvār dekh kar
taskīn-e-dil kī ek hī tadbīr hai faqat
sar phoḌ lījiye koī dīvār dekh kar
ham bhī ga.e haiñ hosh se saaqī kabhī kabhī
lekin tirī nigāh ke atvār dekh kar
kyā mustaqil ilaaj kiyā dil ke dard kā
vo muskurā diye mujhe bīmār dekh kar
dekhā kisī kī samt to kyā ho gayā 'adam'
chalte haiñ rāh-rau sar-e-bāzār dekh kar
girte hain log garmi-e-bazar dekh kar
sarkar dekh kar meri sarkar dekh kar
aawargi ka shauq bhaDakta hai aur bhi
teri gali ka saya-e-diwar dekh kar
taskin-e-dil ki ek hi tadbir hai faqat
sar phoD lijiye koi diwar dekh kar
hum bhi gae hain hosh se saqi kabhi kabhi
lekin teri nigah ke atwar dekh kar
kya mustaqil ilaj kiya dil ke dard ka
wo muskura diye mujhe bimar dekh kar
dekha kisi ki samt to kya ho gaya 'adam'
chalte hain rah-rau sar-e-bazar dekh kar
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
