go aapko hai ishq har ek mah-laqa ke sath

go aap ko hai ishq har ik mah-laqā ke saath

aqd-e-mubīn kījiye aql-e-rasā ke saath

minnat kī ājizī bhī kī zaarī bhī kī magar

apnā to kaam niklā thā jaur-o-jafā ke saath

yuuñ to vafā kī deviyoñ kī ek thī qatār

lekin nibhī to nibh ga.ī ik bevafā ke saath

har kaam meñ qarīna salīqa to chāhiye

kyā hai ajab ki pyaar ho sharm-o-hayā ke saath

kyoñ ḳhvāh-maḳhvāh ziist ko zindāñ bayāñ kareñ

guzrī hai umr apnī to ik dilrubā ke saath

go zindagī ke apne hī andāz haiñ magar

munsif hai maut ek sī shāh-o-gadā ke saath

go aap ko hai ishq har ek mah-laqa ke sath

aqd-e-mubin kijiye aql-e-rasa ke sath

minnat ki aajizi bhi ki zari bhi ki magar

apna to kaam nikla tha jaur-o-jafa ke sath

yun to wafa ki dewiyon ki ek thi qatar

lekin nibhi to nibh gai ek bewafa ke sath

har kaam mein qarina saliqa to chahiye

kya hai ajab ki pyar ho sharm-o-haya ke sath

kyon KHwah-maKHwah zist ko zindan bayan karen

guzri hai umr apni to ek dilruba ke sath

go zindagi ke apne hi andaz hain magar

munsif hai maut ek si shah-o-gada ke sath