go ba-nam ek zaban rakhti hai shama

go ba-nām ik zabān rakhtī hai sham.a

kab tirā sā bayān rakhtī hai sham.a

tere mukhḌe kā sā namak ma.alūm

ek phīkī sī aan rakhtī hai sham.a

sarfaroshī ke muḳhtara.a ham haiñ

go ab ūñchī dukān rakhtī hai sham.a

daaġh par daaġh uThā.e dil kī tarah

kab ye tāb-o-tavān rakhtī hai sham.a

rove go tuuda tuuda kab aise

dīda-e-ḳhūñ-fishān rakhtī hai sham.a

aah is dāġh-e-dil se jis se ki dast

nit sū-e-āsmān rakhtī hai sham.a

kyūñki parvāna rashk se na jale

sab ke aage fulān rakhtī hai sham.a

khol mukhḌā ki hai ye mujh ko yaqīñ

tujh se da.avā gumān rakhtī hai sham.a

ye dil afsurda vaa.e qismat-e-bad

soz tā-ustuḳhvān rakhtī hai sham.a

rātoñ jaagī hai misl 'qā.em' kī

tab ye soz-e-nihān rakhtī hai sham.a

go ba-nam ek zaban rakhti hai shama

kab tera sa bayan rakhti hai shama

tere mukhDe ka sa namak malum

ek phiki si aan rakhti hai shama

sarfaroshi ke muKHtara hum hain

go ab unchi dukan rakhti hai shama

dagh par dagh uThae dil ki tarah

kab ye tab-o-tawan rakhti hai shama

rowe go tuda tuda kab aise

dida-e-KHun-fishan rakhti hai shama

aah is dagh-e-dil se jis se ki dast

nit su-e-asman rakhti hai shama

kyunki parwana rashk se na jale

sab ke aage fulan rakhti hai shama

khol mukhDa ki hai ye mujh ko yaqin

tujh se dawa guman rakhti hai shama

ye dil afsurda wae qismat-e-bad

soz ta-ustuKHwan rakhti hai shama

raaton jagi hai misl 'qaem' ki

tab ye soz-e-nihan rakhti hai shama