go ba-zahir KHarab hain hum log
go ba-zāhir ḳharāb haiñ ham log
bātinan lā-javāb haiñ ham log
rashk-e-sad āftāb haiñ ham log
dahr meñ intiḳhāb haiñ ham log
paḌh sake to koī hameñ paḌh le
ik mukammal kitāb haiñ ham log
kyā zarūrat hai āzmāne kī
aap apnā javāb haiñ ham log
sāf-goī hamārī aadat hai
tum na samjho ḳharāb haiñ ham log
pā ga.e fat.h zindagānī par
ab kahāñ mahv-e-ḳhvāb haiñ ham log
kyoñ na maḳhmūr ho jahāñ 'sāqī'
kaif-āvar sharāb haiñ ham log
go ba-zahir KHarab hain hum log
baatinan la-jawab hain hum log
rashk-e-sad aaftab hain hum log
dahr mein intiKHab hain hum log
paDh sake to koi hamein paDh le
ek mukammal kitab hain hum log
kya zarurat hai aazmane ki
aap apna jawab hain hum log
saf-goi hamari aadat hai
tum na samjho KHarab hain hum log
pa gae fath zindagani par
ab kahan mahw-e-KHwab hain hum log
kyon na maKHmur ho jahan 'saqi'
kaif-awar sharab hain hum log
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
