go kam-suKHan hai bhari mahfilon mein tanha hai

go kam-suḳhan hai bharī mahfiloñ meñ tanhā hai

vo apne aap se miltā hai baat kartā hai

jo baat donoñ meñ honī thī ho na paa.ī kabhī

so ghar meñ aaj bhī tanhā.iyoñ kā Derā hai

har ek haal meñ rahte haiñ 'ishq vaale ḳhush

visāl-o-hijr ke mābain aisā rishta hai

khaḌā hai sahn meñ tanhā jo Tuñdmuñd daraḳht

na jaane is ko parindoñ pe kyā bharosa hai

hamāre shahr kī dīvār to salāmat hai

ab us ke paar kise fikr kaun kartā hai

vo ḳhūb-rū hai hasīñ hai vajīh hai 'sīmā'

vo merā yaar baḌā sāñvlā salonā hai

go kam-suKHan hai bhari mahfilon mein tanha hai

wo apne aap se milta hai baat karta hai

jo baat donon mein honi thi ho na pai kabhi

so ghar mein aaj bhi tanhaiyon ka Dera hai

har ek haal mein rahte hain 'ishq wale KHush

visal-o-hijr ke mabain aisa rishta hai

khaDa hai sahn mein tanha jo Tundmund daraKHt

na jaane is ko parindon pe kya bharosa hai

hamare shahr ki diwar to salamat hai

ab us ke par kise fikr kaun karta hai

wo KHub-ru hai hasin hai wajih hai 'sima'

wo mera yar baDa sanwla salona hai