go sudh nahin us shoKH sitamgar ne sambhaali
go sudh nahin us shoKH sitamgar ne sambhaali
Aftab Shah Alam Sani
MORE BYAftab Shah Alam Sani
go sudh nahīñ us shoḳh sitamgar ne sambhālī
tis par bhī koī baat adā se nahīñ ḳhālī
kuchh hosh nahīñ mujh meñ rahā jab se pilā.ī
us nargis-e-maḳhmūr kī saaqī ne pyālī
shabnam ke araq meñ huā ḳhajlat siitī gul-e-tar
dekhī jo lab-e-lāl kī us shoḳh ke laalī
ve ġhair hī haiñ jin kī har ik baat ho sunte
ham ne to jo kuchh arz kī so sunte hī Taalī
tausīf koī kar sake kyā ai 'shah-e-ālam'
rutba hai tere sher kā guftār se aalī
go sudh nahin us shoKH sitamgar ne sambhaali
tis par bhi koi baat ada se nahin KHali
kuchh hosh nahin mujh mein raha jab se pilai
us nargis-e-maKHmur ki saqi ne pyali
shabnam ke araq mein hua KHajlat siti gul-e-tar
dekhi jo lab-e-lal ki us shoKH ke lali
we ghair hi hain jin ki har ek baat ho sunte
hum ne to jo kuchh arz ki so sunte hi Tali
tausif koi kar sake kya ai 'shah-e-alam'
rutba hai tere sher ka guftar se aali
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
