gora mukhDa gore gal

gorā mukhḌā gore gaal

us pe qayāmat bikhre baal

kis din hogā un se milnā

dekh nujūmī merī faal

hijr meñ tere jān-e-tamannā

ek ik pal hai sau sau saal

ġhair haiñ ghere un ko har dam

kaise gale phir apnī daal

ek nazar hai dil kī qīmat

kitnā hai ye sastā maal

aaj hai saaqī mauj meñ pī le

baat na us kī zāhid Taal

haath na rañgiye aap hinā se

ḳhuun se mere kiije laal

dekh ke rahnā baaġh meñ bulbul

liye shikārī phirte jaal

rokegā har tiir ko tere

siine merā ban kar Dhaal

un pe aa kar chhā.ī javānī

mujh pe ghar kar aayā kaal

tauba tauba mast javānī

allāh allāh bāñkī chaal

koī nahīñ hai jag meñ apnā

kis ko sunā.eñ dil kā haal

jiine kā jo lutf hai lenā

ġham kī bulbul dil meñ paal

ġhairoñ kā to kaam hai jalnā

baat pe un kī miTTī Daal

sun kar mere mīThe she'r

Tapke 'jauhar' sab kī raal

gora mukhDa gore gal

us pe qayamat bikhre baal

kis din hoga un se milna

dekh nujumi meri fal

hijr mein tere jaan-e-tamanna

ek ek pal hai sau sau sal

ghair hain ghere un ko har dam

kaise gale phir apni dal

ek nazar hai dil ki qimat

kitna hai ye sasta mal

aaj hai saqi mauj mein pi le

baat na us ki zahid Tal

hath na rangiye aap hina se

KHun se mere kije lal

dekh ke rahna bagh mein bulbul

liye shikari phirte jal

rokega har tir ko tere

sine mera ban kar Dhaal

un pe aa kar chhai jawani

mujh pe ghar kar aaya kal

tauba tauba mast jawani

allah allah banki chaal

koi nahin hai jag mein apna

kis ko sunaen dil ka haal

jine ka jo lutf hai lena

gham ki bulbul dil mein pal

ghairon ka to kaam hai jalna

baat pe un ki miTTi Dal

sun kar mere miThe she'r

Tapke 'jauhar' sab ki ral