gosh kar fariyaad-e-ashiq jaan kar

gosh kar fariyād-e-āshiq jaan kar

nāla-e-bulbul pe ai gul kaan kar

jab badal kapḌe kafan kā dhyān kar

ġhusl-e-mayyat jaan jab ashnān kar

khaal mujh mahv-e-mizha kī jaan kar

rakh diyā chhalnī kā siina chhān kar

miT ga.e us kī chaqoñ ko dekh kar

bulbule ubhre jo siina taan kar

saḳht-jāñ vo huuñ jo ho mujh par ravāñ

aslahe rah jaa.eñ lohā maan kar

aag meñ apne misāl-e-sham.a jal

par zabān se uf na ai nādān kar

nashtar-e-mizhgāñ ho būñdī kī kaTār

būñd-bar paanī pilā ehsān kar

ai dur-e-yaktā janāb-e-ḳhizr ne

ik mujhe paayā zamāna chhān kar

jism-zār-e-qais kā pūchhā jo haal

rakh diyā makḌī ne jaalā taan kar

ġham gunāhoñ kā na khā 'shād'-e-hazīñ

rahmatul-lilālamīñ par dhyān kar

gosh kar fariyaad-e-ashiq jaan kar

nala-e-bulbul pe ai gul kan kar

jab badal kapDe kafan ka dhyan kar

ghusl-e-mayyat jaan jab ashnan kar

khaal mujh mahw-e-mizha ki jaan kar

rakh diya chhalni ka sina chhan kar

miT gae us ki chaqon ko dekh kar

bulbule ubhre jo sina tan kar

saKHt-jaan wo hun jo ho mujh par rawan

aslahe rah jaen loha man kar

aag mein apne misal-e-shama jal

par zaban se uf na ai nadan kar

nashtar-e-mizhgan ho bundi ki kaTar

bund-bar pani pila ehsan kar

ai dur-e-yakta janab-e-KHizr ne

ek mujhe paya zamana chhan kar

jism-zar-e-qais ka puchha jo haal

rakh diya makDi ne jala tan kar

gham gunahon ka na kha 'shad'-e-hazin

rahmatul-lilalamin par dhyan kar