gosha-e-gul hi nahin bagh tha maskan apna

gosha-e-gul hī nahīñ baaġh thā maskan apnā

jab se āzād hue ghar huā madfan apnā

fikr-o-ālām ke saa.e se bahut duur thā ye

yaad kyūñkar na hameñ aa.egā bachpan apnā

ye zar-o-māl ye duniyā kī tamanna ye havas

in meñ har koī hai tā-hashr hī dushman apnā

ġhuncha-o-gul meñ tabassum hī tabassum dekhā

Daalī Daalī pe nazar aayā hai bachpan apnā

lutf lete hue zaḳhmī se masīhā ne kahā

qābil-e-dīd hai har zaḳhm kā joban apnā

apne aslāf ke ajdād bhī haiñ dafn yahāñ

kyoñ na ho jaan se pyārā hameñ gulshan apnā

hai yaqīñ ḳhuun shahīdoñ kā hai is miTTī meñ

tab hī ḳhushbū se bharā phūloñ ne dāman apnā

ham bhī aflāk-nashīnoñ meñ haiñ shāmil 'muḳhlis'

kyoñ na chamkegā sitāroñ kī tarah fan apnā

gosha-e-gul hi nahin bagh tha maskan apna

jab se aazad hue ghar hua madfan apna

fikr-o-alam ke sae se bahut dur tha ye

yaad kyunkar na hamein aaega bachpan apna

ye zar-o-mal ye duniya ki tamanna ye hawas

in mein har koi hai ta-hashr hi dushman apna

ghuncha-o-gul mein tabassum hi tabassum dekha

Dali Dali pe nazar aaya hai bachpan apna

lutf lete hue zaKHmi se masiha ne kaha

qabil-e-did hai har zaKHm ka joban apna

apne aslaf ke ajdad bhi hain dafn yahan

kyon na ho jaan se pyara hamein gulshan apna

hai yaqin KHun shahidon ka hai is miTTi mein

tab hi KHushbu se bhara phulon ne daman apna

hum bhi aflak-nashinon mein hain shamil 'muKHlis'

kyon na chamkega sitaron ki tarah fan apna