ghubar-e-KHatir-e-nashad hun main

ġhubār-e-ḳhātir-e-nāshād huuñ maiñ

ki miTne ke liye ābād huuñ maiñ

jafā-o-jaur se bhī shaad huuñ maiñ

harīs-e-lazzat-e-bedād huuñ maiñ

lab-e-mo.ajiz-numā se zindagī hai

ḳhirāj-e-nāz se barbād huuñ maiñ

baḌī mushkil meñ kī imdād merī

fidā-e-bāzū-e-jallād huuñ maiñ

na kar pāmāl gardish-hā-e-aflāk

kisī bhūle hue kī yaad huuñ maiñ

tamannā vasl kī to aur shai hai

tumhāre hijr se bhī shaad huuñ maiñ

tumhāre nāvak-e-mizhgāñ ke hote

rahīn-e-nashtar-e-fassād huuñ maiñ

mujhī par aañkh rahtī hai adū kī

'faroġh' ab dīda-e-hassād huuñ maiñ

ghubar-e-KHatir-e-nashad hun main

ki miTne ke liye aabaad hun main

jafa-o-jaur se bhi shad hun main

haris-e-lazzat-e-bedad hun main

lab-e-moajiz-numa se zindagi hai

KHiraj-e-naz se barbaad hun main

baDi mushkil mein ki imdad meri

fida-e-bazu-e-jallad hun main

na kar pamal gardish-ha-e-aflak

kisi bhule hue ki yaad hun main

tamanna wasl ki to aur shai hai

tumhaare hijr se bhi shad hun main

tumhaare nawak-e-mizhgan ke hote

rahin-e-nashtar-e-fassad hun main

mujhi par aankh rahti hai adu ki

'farogh' ab dida-e-hassad hun main