ghubar-e-rah bani main rah-e-ghubar mein hun

ġhubār-e-rāh banī maiñ rah-e-ġhubār meñ huuñ

na jaane kaun hai maiñ jis ke intizār meñ huuñ

vo mujh se milne palaT kar zarūr aa.egā

bahut zamāne se ummīd ke hisār meñ huuñ

ye jabr-o-qadr kā chakkar azal se chaltā hai

kabhī ye sochā nahīñ kis ke iḳhtiyār meñ huuñ

ye log kaun haiñ kaise haiñ kuchh nahīñ ma.alūm

maiñ bas hujūm kā hissa huuñ kis shumār meñ huuñ

mujhe bhī deñge vo hissa ye kaise soch liyā

maiñ itnī duur huuñ maiñ kab khaḌī qatār meñ huuñ

maiñ us kī huuñ vo mirā hai bas itnā kaafī hai

nahīñ hai jiit kī chāhat maiñ mast haar meñ huuñ

samajh ke bhī mujhe samjhā nahīñ zamāne ne

ḳhizāñ-rasīda huuñ khoī magar bahār meñ huuñ

khaḌī huuñ ishq-samundar ke maiñ kināre par

chaḌhā hai ishq kā nashsha bahut ḳhumār meñ huuñ

ghubar-e-rah bani main rah-e-ghubar mein hun

na jaane kaun hai main jis ke intizar mein hun

wo mujh se milne palaT kar zarur aaega

bahut zamane se ummid ke hisar mein hun

ye jabr-o-qadr ka chakkar azal se chalta hai

kabhi ye socha nahin kis ke iKHtiyar mein hun

ye log kaun hain kaise hain kuchh nahin malum

main bas hujum ka hissa hun kis shumar mein hun

mujhe bhi denge wo hissa ye kaise soch liya

main itni dur hun main kab khaDi qatar mein hun

main us ki hun wo mera hai bas itna kafi hai

nahin hai jit ki chahat main mast haar mein hun

samajh ke bhi mujhe samjha nahin zamane ne

KHizan-rasida hun khoi magar bahaar mein hun

khaDi hun ishq-samundar ke main kinare par

chaDha hai ishq ka nashsha bahut KHumar mein hun