ghubar-e-tang-zehni surat-e-KHanjar nikalta hai

Fasih Akmal

ghubar-e-tang-zehni surat-e-KHanjar nikalta hai

Fasih Akmal

MORE BYFasih Akmal

    ġhubār-e-tañg-zehnī sūrat-e-ḳhanjar nikaltā hai

    hamārī bastiyoñ se roz ik lashkar nikaltā hai

    ḳhudā jaane kahāñ us rifāqat ho ga.ī zaḳhmī

    ki shab meñ ik parinda chīḳhtā aksar nikaltā hai

    matā-e-chashm-e-hairāñ ke sivā ab kuchh nahīñ baaqī

    dil-e-ātish-girafta yahī jauhar nikaltā hai

    lahū kar zamīñ jab bhī na.ī karvaT badaltī hai

    kisī sar nikaltā hai kisī ghar nikaltā hai

    hamārī fat.h ke andāz duniyā se nirāle haiñ

    ki parcham jagah neze pe apnā sar nikaltā hai

    hamāre shahr meñ kam-qāmatoñ bhiiḌ aisī hai

    usī qatl ho jaatā hai jis sar nikaltā hai

    nazar vāloñ se mat pūchho had-e-imkāñ kahāñ tak hai

    kahīñ sūraj nikaltā hai kahīñ manzar nikaltā hai

    agar jiine ḳhvāhish hai jabīñ sañg-āshnā rakhnā

    ki har muḳhlis muTThī meñ yahāñ ḳhanjar nikaltā hai

    ghubar-e-tang-zehni surat-e-KHanjar nikalta hai

    hamari bastiyon se roz ek lashkar nikalta hai

    KHuda jaane kahan us ki rifaqat ho gai zaKHmi

    ki shab mein ek parinda chiKHta aksar nikalta hai

    mata-e-chashm-e-hairan ke siwa ab kuchh nahin baqi

    dil-e-atish-girafta ka yahi jauhar nikalta hai

    lahu pi kar zamin jab bhi nai karwaT badalti hai

    kisi ka sar nikalta hai kisi ka ghar nikalta hai

    hamari fath ke andaz duniya se nirale hain

    ki parcham ki jagah neze pe apna sar nikalta hai

    hamare shahr mein kam-qamaton ki bhiD aisi hai

    usi ka qatl ho jata hai jis ka sar nikalta hai

    nazar walon se mat puchho had-e-imkan kahan tak hai

    kahin suraj nikalta hai kahin manzar nikalta hai

    agar jine ki KHwahish hai jabin sang-ashna rakhna

    ki har muKHlis ki muTThi mein yahan KHanjar nikalta hai

    RECITATIONS

    Fasih Akmal

    Fasih Akmal

    Fasih Akmal

    ghubar-e-tang-zehni surat-e-KHanjar nikalta hai Fasih Akmal

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY