guftugu hum ru-ba-ru un ke na kar pae bahut

guftugū ham rū-ba-rū un ke na kar paa.e bahut

yuuñ to aate the suḳhan ke ham ko pairā.e bahut

zindagī kī dhuup meñ jab duur tak jaanā paḌā

yaad aa.e terī zulfoñ ke ghane saa.e bahut

ho sakā phir bhī na us ke husn-e-rañgīñ kā bayāñ

shahr-e-fikr-o-fan se tashbīhāt ham laa.e bahut

maiñ ne ik haq baat kah dī thī ḳhilāf-e-maslahat

tab se suntā huuñ ḳhafā haiñ mere ham-sā.e bahut

un ko jaane kis ne bhejā thā payām-e-sair-e-gul

baaġh meñ uḌ kar parinde duur se aa.e bahut

terī qismat meñ tahī-dāmāñ hī rahnā thā 'qadīr'

varna us ne anjuman meñ phuul barsā.e bahut

guftugu hum ru-ba-ru un ke na kar pae bahut

yun to aate the suKHan ke hum ko pairae bahut

zindagi ki dhup mein jab dur tak jaana paDa

yaad aae teri zulfon ke ghane sae bahut

ho saka phir bhi na us ke husn-e-rangin ka bayan

shahr-e-fikr-o-fan se tashbihat hum lae bahut

main ne ek haq baat kah di thi KHilaf-e-maslahat

tab se sunta hun KHafa hain mere ham-sae bahut

un ko jaane kis ne bheja tha payam-e-sair-e-gul

bagh mein uD kar parinde dur se aae bahut

teri qismat mein tahi-daman hi rahna tha 'qadir'

warna us ne anjuman mein phul barsae bahut