guftugu karte raho raat guzar jaegi

guftugū karte raho raat guzar jā.egī

nuur kī koī kiran dil meñ utar jā.egī

naujavāñ qaum kā sarmāya huā karte haiñ

tum jo bikhre to miyāñ qaum bikhar jā.egī

zarf vaalā kisī kam-zarf kā ehsāñ le kar

zindagī laakh jiye ruuh to mar jā.egī

mauj-e-ḳhūñ sar se guzartī hai guzar jaane de

kam se kam qaum ko bedār to kar jā.egī

apnī muñh zor tamannāoñ pe qaabū kar lo

varna sar se miyāñ dastār utar jā.egī

apnī shohrat pe na itrānā kabhī tū 'vāsiq'

ye nadī vo hai jo ik roz utar jā.egī

guftugu karte raho raat guzar jaegi

nur ki koi kiran dil mein utar jaegi

naujawan qaum ka sarmaya hua karte hain

tum jo bikhre to miyan qaum bikhar jaegi

zarf wala kisi kam-zarf ka ehsan le kar

zindagi lakh jiye ruh to mar jaegi

mauj-e-KHun sar se guzarti hai guzar jaane de

kam se kam qaum ko bedar to kar jaegi

apni munh zor tamannaon pe qabu kar lo

warna sar se miyan dastar utar jaegi

apni shohrat pe na itrana kabhi tu 'wasiq'

ye nadi wo hai jo ek roz utar jaegi