guftugu tark-e-KHamushi hai faqat

guftugū tark-e-ḳhāmushī hai faqat

ham-safar ek ajnabī hai faqat

ahd-e-rafta ke valvaloñ kā nishāñ

ik musalsal sī bekalī hai faqat

dekhnā-bhālnā gayā tire saath

aañkh muddat se sochtī hai faqat

har taraf ik athāh sannāTā

chaap apnī hī gūñjtī hai faqat

har taraf be-panāh tārīkī

apnī āñkhoñ kī raushnī hai faqat

ajnabiyyat ke yaḳh-kadoñ meñ dost

ḳhud kalāmī pe zindagī hai faqat

ham kahāñ aur javāz-e-shikva kahāñ

naala iz.hār-e-be-kasī hai faqat

kar hifāzat matā-e-hairat kī

hāsil-e-zindagī yahī hai faqat

ab dimāġh-e-suḳhan bhī hai kis ko

umar muddat se kaT rahī hai faqat

guftugu tark-e-KHamushi hai faqat

ham-safar ek ajnabi hai faqat

ahd-e-rafta ke walwalon ka nishan

ek musalsal si bekali hai faqat

dekhna-bhaalna gaya tere sath

aankh muddat se sochti hai faqat

har taraf ek athah sannaTa

chap apni hi gunjti hai faqat

har taraf be-panah tariki

apni aankhon ki raushni hai faqat

ajnabiyyat ke yaKH-kadon mein dost

KHud kalami pe zindagi hai faqat

hum kahan aur jawaz-e-shikwa kahan

nala izhaar-e-be-kasi hai faqat

kar hifazat mata-e-hairat ki

hasil-e-zindagi yahi hai faqat

ab dimagh-e-suKHan bhi hai kis ko

umar muddat se kaT rahi hai faqat