guhar KHarid na paenge shahr bhar ke mujhe

guhar ḳharīd na pā.eñge shahr bhar ke mujhe

bahut 'azīz haiñ zarre ye apne ghar ke mujhe

taraste aaj bhī haiñ mere lams-e-dastak ko

bahut hañse the jo darvāze chhoḌ kar ke mujhe

hai mere dil ko anā is qadar 'azīz ki vo

taḌapne bhī nahīñ detā hai aah bhar ke mujhe

Dhalā hai chaak pe ye but magar nazākat se

farishte likhte haiñ ā'māl dafn kar ke mujhe

bas iltifāt-e-nazar terī chāhiye varna

payām aa.e haiñ sau sau ka.ī nazar ke mujhe

na ab sameT mire muntashir vujūd kī raakh

sukūñ milā hai tirī chaah meñ bikhar ke mujhe

tire firāq kī rāteñ tavīl thiiñ itnī

ki yaad aa.e ka.ī qisse 'umr bhar ke mujhe

maiñ DhūñDhtā huuñ khilaunoñ meñ bachpanā phir se

kahāñ gayā mirā bachpan udaas kar ke mujhe

zabān de ke mire paañv ke nishānoñ ko

talāsh karte haiñ dīvāne shahr bhar ke mujhe

guhar KHarid na paenge shahr bhar ke mujhe

bahut 'aziz hain zarre ye apne ghar ke mujhe

taraste aaj bhi hain mere lams-e-dastak ko

bahut hanse the jo darwaze chhoD kar ke mujhe

hai mere dil ko ana is qadar 'aziz ki wo

taDapne bhi nahin deta hai aah bhar ke mujhe

Dhala hai chaak pe ye but magar nazakat se

farishte likhte hain aa'mal dafn kar ke mujhe

bas iltifat-e-nazar teri chahiye warna

payam aae hain sau sau kai nazar ke mujhe

na ab sameT mere muntashir wujud ki rakh

sukun mila hai teri chah mein bikhar ke mujhe

tere firaq ki raaten tawil thin itni

ki yaad aae kai qisse 'umr bhar ke mujhe

main DhunDhta hun khilaunon mein bachpana phir se

kahan gaya mera bachpan udas kar ke mujhe

zaban de ke mere panw ke nishanon ko

talash karte hain diwane shahr bhar ke mujhe