gul hain to aap apni hi KHushbu mein sochiye

gul haiñ to aap apnī hī ḳhushbū meñ sochiye

jo kuchh bhī sochnā hai vo urdu meñ sochiye

dil meñ agar nahīñ hai kisī zaḳhm kī numūd

surḳhī kahāñ se aa ga.ī aañsū meñ sochiye

ye mas.ala nahīñ ki jaleñge kahāñ charāġh

kaise havā.eñ ā.eñgī qaabū meñ sochiye

yuuñ sarsarī guzariye na us dasht-e-karb se

vahshat ki iztirāb hai aahū meñ sochiye

kuchh to ḳhabar nikāliye kaise lagā ye rog

kyuuñ Dhal rahā hai aadmī vastū meñ sochiye

kī aap ne jo pursish-e-ahvāl shukriyā

ham kaise hoñge saltanat-e-hū meñ sochiye

ḳhud pūchhtī hai aap se tanhā.ī aap kī

mahtāb kyuuñ hai raat ke pahlū meñ sochiye

vo jis kā qurb aap ko milnā muhāl ho

kyā ho jo baiTh jaa.e vo baazū meñ sochiye

gul hain to aap apni hi KHushbu mein sochiye

jo kuchh bhi sochna hai wo urdu mein sochiye

dil mein agar nahin hai kisi zaKHm ki numud

surKHi kahan se aa gai aansu mein sochiye

ye masala nahin ki jalenge kahan charagh

kaise hawaen aaengi qabu mein sochiye

yun sarsari guzariye na us dasht-e-karb se

wahshat ki iztirab hai aahu mein sochiye

kuchh to KHabar nikaliye kaise laga ye rog

kyun Dhal raha hai aadmi wastu mein sochiye

ki aap ne jo pursish-e-ahwal shukriya

hum kaise honge saltanat-e-hu mein sochiye

KHud puchhti hai aap se tanhai aap ki

mahtab kyun hai raat ke pahlu mein sochiye

wo jis ka qurb aap ko milna muhaal ho

kya ho jo baiTh jae wo bazu mein sochiye