gul ki aur bulbul ki sohbat ko chaman ka shana hai

gul kī aur bulbul kī sohbat ko chaman kā shāna hai

sarv hai juuñ sham' tis par fāḳhta parvāna hai

roz o shab yā nauha yā zaarī hai yā āh-o-fuġhāñ

yā ilāhī ye koī dil hai ki mātam-ḳhāna hai

tan kar us kī teġh ke aage huā hai sar-ba-kaf

hai qayāmat hai ġhazab ye dil hai yā dīvāna hai

bulbul-e-tasvīr kī mānind said-e-dil ke ta.iiñ

ne havā uḌne kī ne parvā-e-āb-o-dāna hai

ek hālat par na dekhā us ko ham ne ek aan

gah gul o gah bulbul o gah sham' o gah parvāna hai

mo.atakif ho shaiḳh apne dil meñ masjid se nikal

sāhib-e-dil kī baġhal meñ dil ibādat-ḳhāna hai

mai-kasho mujh ko tumhārī bazm kī hasrat nahīñ

paas mere diida o dil shīsha o paimāna hai

ḳhvāb meñ the jab talak thā dil meñ duniyā kā ḳhayāl

khul ga.iiñ āñkheñ to dekhā ham ne sab afsāna hai

she’r ustādāna o 'hātim' hai be-bākāna-vaz.a

tab' āzādāna o auqāt darveshāna hai

gul ki aur bulbul ki sohbat ko chaman ka shana hai

sarw hai jun sham' tis par faKHta parwana hai

roz o shab ya nauha ya zari hai ya aah-o-fughan

ya ilahi ye koi dil hai ki matam-KHana hai

tan kar us ki tegh ke aage hua hai sar-ba-kaf

hai qayamat hai ghazab ye dil hai ya diwana hai

bulbul-e-taswir ki manind said-e-dil ke tain

ne hawa uDne ki ne parwa-e-ab-o-dana hai

ek haalat par na dekha us ko hum ne ek aan

gah gul o gah bulbul o gah sham' o gah parwana hai

moatakif ho shaiKH apne dil mein masjid se nikal

sahib-e-dil ki baghal mein dil ibaadat-KHana hai

mai-kasho mujh ko tumhaari bazm ki hasrat nahin

pas mere dida o dil shisha o paimana hai

KHwab mein the jab talak tha dil mein duniya ka KHayal

khul gain aankhen to dekha hum ne sab afsana hai

she’r ustadana o 'hatim' hai be-bakana-waza

tab' aazadana o auqat darweshana hai