gul ne KHushbu ko taj diya na raha
gul ne ḳhushbū ko taj diyā na rahā
ḳhud se ḳhud ko kiyā judā na rahā
raat dekhe safar ke ḳhvāb bahut
pau phaTī jab to hausla na rahā
qāfila us ke dam-qadam se thā
chal diyā vo to qāfila na rahā
rabt us kā zamāñ se kyā rahtā
jab zamīñ hī se silsila na rahā
tark kar ḳhāmushī kā maslak sun
ho gayā jo bhī be-sadā na rahā
umr bhar us ne bevafā.ī kī
umr se bhī vo bā-vafā na rahā
aañkh kholī to dūriyāñ thiiñ bahut
aañkh mīchī to fāsla na rahā
kis kī ḳhushbū ne bhar diyā thā use
us ke andar koī ḳhalā na rahā
gul ne KHushbu ko taj diya na raha
KHud se KHud ko kiya juda na raha
raat dekhe safar ke KHwab bahut
pau phaTi jab to hausla na raha
qafila us ke dam-qadam se tha
chal diya wo to qafila na raha
rabt us ka zaman se kya rahta
jab zamin hi se silsila na raha
tark kar KHamushi ka maslak sun
ho gaya jo bhi be-sada na raha
umr bhar us ne bewafai ki
umr se bhi wo ba-wafa na raha
aankh kholi to duriyan thin bahut
aankh michi to fasla na raha
kis ki KHushbu ne bhar diya tha use
us ke andar koi KHala na raha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
