gul-rang paikaron mein ruKH-e-zard main hi tha

gul-rañg paikaroñ meñ ruḳh-e-zard maiñ hī thā

har samt sho.alagī thī magar sard maiñ hī thā

tū ne barahnā kar diyā mere sukūt ko

ai shorish-e-jahāñ tirā hamdard maiñ hī thā

tū ne libās-e-rañg samajh kar pahan liyā

ai bul-havas vo pairahan-e-dard maiñ hī thā

kis kī talāsh thī ye mujhe ḳhud ḳhabar nahīñ

parchhā.iyoñ kī oT meñ shab-gard maiñ hī thā

vo TukḌe-TukḌe mere hī āzā-e-jism the

kis se kahūñ ki qātil-e-bedard maiñ hī thā

ma.anī ke jaal buntā huā 'ramz' dūr-dūr

alfāz kī fazā meñ tah-e-gard maiñ hī thā

gul-rang paikaron mein ruKH-e-zard main hi tha

har samt shoalagi thi magar sard main hi tha

tu ne barahna kar diya mere sukut ko

ai shorish-e-jahan tera hamdard main hi tha

tu ne libas-e-rang samajh kar pahan liya

ai bul-hawas wo pairahan-e-dard main hi tha

kis ki talash thi ye mujhe KHud KHabar nahin

parchhaiyon ki oT mein shab-gard main hi tha

wo TukDe-TukDe mere hi aaza-e-jism the

kis se kahun ki qatil-e-bedard main hi tha

mani ke jal bunta hua 'ramz' dur-dur

alfaz ki faza mein tah-e-gard main hi tha