gul sadaqat se mahakte hue tasir mein rakh

gul sadāqat se mahakte hue tāsīr meñ rakh

sāneha dil pe jo guzre vahī tahrīr meñ rakh

tāq-e-zindāñ meñ charāġh-e-ġham-e-hastī na jalā

ātish-e-ishq-e-darūñ halqa-e-zanjīr meñ rakh

ḳhisht-e-be-faiz jo ārāsta guftār meñ hai

us ko buniyād banā kar kisī ta.amīr meñ rakh

zulmatoñ se kisī ghar kī nahīñ hotī pahchān

sang-o-gul hī nahīñ kuchh nuur bhī jāgīr meñ rakh

kab talak dosh pe ḳhvāboñ ke karegā parvāz

ham-nashīñ azm-e-safar vādī-e-tā'bīr meñ rakh

diid kī ziist se tā-marg talab aa pahuñchī

hīla-jū aur bahāne tū na tāḳhīr meñ rakh

sarvarī zor-e-takallum se na mil pā.egī

ham-nashīñ ijz-e-bayāñ ḳhūbī-e-taqrīr meñ rakh

gul sadaqat se mahakte hue tasir mein rakh

saneha dil pe jo guzre wahi tahrir mein rakh

taq-e-zindan mein charagh-e-gham-e-hasti na jala

aatish-e-ishq-e-darun halqa-e-zanjir mein rakh

KHisht-e-be-faiz jo aarasta guftar mein hai

us ko buniyaad bana kar kisi tamir mein rakh

zulmaton se kisi ghar ki nahin hoti pahchan

sang-o-gul hi nahin kuchh nur bhi jagir mein rakh

kab talak dosh pe KHwabon ke karega parwaz

ham-nashin azm-e-safar wadi-e-ta'bir mein rakh

did ki zist se ta-marg talab aa pahunchi

hila-ju aur bahane tu na taKHir mein rakh

sarwari zor-e-takallum se na mil paegi

ham-nashin ijz-e-bayan KHubi-e-taqrir mein rakh