gulab ki rut se ja ke puchho the par mere pas titliyon ke

gulāb kī rut se jā ke pūchho the par mire paas titliyoñ ke

magar vo chashm-e-zadan ki tauba pahāḌ TuuTe the badliyoñ ke

vo saarā ilzām sar pe le kar ḳhud apnī qātil Thahar chukī thī

hazār DhūñDo mirī qabā par nishāñ mileñge na uñgliyoñ ke

qusūr kis kā thā kaun jaane na ham hī samjhe na tum pe zāhir

kisī talab kā vajūd haiñ ham shigāf kahte haiñ pasliyoñ ke

na jaane kab be-sadā huā vo na jaane kab be-zarar huā vo

akelā tan is tarah thā us ke hoñ par judā jaise titliyoñ ke

hazār āñkhoñ ke tez nashtar mire badan meñ chubhe hue haiñ

raqīb āñkheñ samā ga.ī haiñ lage haiñ til mujh pe putliyoñ ke

vo aisā patthar thā jis ke andar hazār mausam chhupe hue the

hasīn lafzoñ ke sachche motī asiir the us kī uñgliyoñ ke

nasīm hī thī jo chal rahī thī thakan ke ehsās ko sameTe

hasīn ḳhushbū se paikaroñ ko to naaz uThāne the bijliyoñ ke

gulab ki rut se ja ke puchho the par mere pas titliyon ke

magar wo chashm-e-zadan ki tauba pahaD TuTe the badliyon ke

wo sara ilzam sar pe le kar KHud apni qatil Thahar chuki thi

hazar DhunDo meri qaba par nishan milenge na ungliyon ke

qusur kis ka tha kaun jaane na hum hi samjhe na tum pe zahir

kisi talab ka wajud hain hum shigaf kahte hain pasliyon ke

na jaane kab be-sada hua wo na jaane kab be-zarar hua wo

akela tan is tarah tha us ke hon par juda jaise titliyon ke

hazar aankhon ke tez nashtar mere badan mein chubhe hue hain

raqib aankhen sama gai hain lage hain til mujh pe putliyon ke

wo aisa patthar tha jis ke andar hazar mausam chhupe hue the

hasin lafzon ke sachche moti asir the us ki ungliyon ke

nasim hi thi jo chal rahi thi thakan ke ehsas ko sameTe

hasin KHushbu se paikaron ko to naz uThane the bijliyon ke