gulab-o-naz bu hai ya saman hai

gulāb-o-nāz bū hai yā saman hai

tirī hastī mujassam ik chaman hai

tujhī se hai chaman kī zeb-o-zīnat

tujhī se surḳh laale kā badan hai

tujhī se daftaroñ meñ haiñ bahāreñ

tujhī se kursiyoñ meñ bāñkpan hai

tujhī se gardanoñ meñ ḳham haiñ baaqī

tujhī se kund māthoñ par shikan hai

tujhī se raunaqeñ mahfil-ba-mahfil

tujhī se dil-kushā har anjuman hai

tujhī par ḳhatm hai shīrīñ-kalāmī

tujhī se aaj zinda ilm-o-fan hai

tire hāthoñ meñ al-qissa jahāñ hai

tire qadmoñ pe dhartī kyā gagan hai

gulab-o-naz bu hai ya saman hai

teri hasti mujassam ek chaman hai

tujhi se hai chaman ki zeb-o-zinat

tujhi se surKH lale ka badan hai

tujhi se daftaron mein hain bahaaren

tujhi se kursiyon mein bankpan hai

tujhi se gardanon mein KHam hain baqi

tujhi se kund mathon par shikan hai

tujhi se raunaqen mahfil-ba-mahfil

tujhi se dil-kusha har anjuman hai

tujhi par KHatm hai shirin-kalami

tujhi se aaj zinda ilm-o-fan hai

tere hathon mein al-qissa jahan hai

tere qadmon pe dharti kya gagan hai