gulon ke dam-e-mohabbat mein aa raha hun main
gulon ke dam-e-mohabbat mein aa raha hun main
Baldev singh Hamdam
MORE BYBaldev singh Hamdam
guloñ ke dām-e-mohabbat meñ aa rahā huuñ maiñ
fareb husn-e-majāzī kā khā rahā huuñ maiñ
kisī ke husn kī tasvīr khīñch kar dil meñ
tasavvurāt kī mahfil sajā rahā huuñ maiñ
mujhe talab hī nahīñ hai kisī masarrat kī
ḳhushī samajh ke tirā ġham uThā rahā huuñ maiñ
guloñ kī bazm se mujh ko na thī koī raġhbat
tumhārā naqsh-e-qadam DhūñDhtā rahā huuñ maiñ
safīna ġham kā liye jā.egā kahāñ yārab
muhīt-e-zīst meñ bahtā hī jā rahā huuñ maiñ
baqā kī fikr na andesha-e-fanā 'hamdam'
ḳhudā ke jalve meñ ḳhud ko samā rahā huuñ maiñ
gulon ke dam-e-mohabbat mein aa raha hun main
fareb husn-e-majazi ka kha raha hun main
kisi ke husn ki taswir khinch kar dil mein
tasawwuraat ki mahfil saja raha hun main
mujhe talab hi nahin hai kisi masarrat ki
KHushi samajh ke tera gham uTha raha hun main
gulon ki bazm se mujh ko na thi koi raghbat
tumhaara naqsh-e-qadam DhunDhta raha hun main
safina gham ka liye jaega kahan yarab
muhit-e-zist mein bahta hi ja raha hun main
baqa ki fikr na andesha-e-fana 'hamdam'
KHuda ke jalwe mein KHud ko sama raha hun main
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
