gulon ki aankh mein kanTa paDa hai

guloñ kī aañkh meñ kāñTā paḌā hai

ye sahrā.ī safīne aa paḌā hai

lahū kī chhab hai siine kī ravānī

pe is chhīñTe meñ kul dariyā paḌā hai

palaT aa.e haiñ le kar arsh se ḳhaak

ye sīdhā ram hameñ ulTā paḌā hai

zamīñ par aa girā mahtāb kā haath

sitāroñ kā jigar TuuTā paḌā hai

havā.ī shahr meñ be-sudh hai sūraj

gharoñ par shaam kā saayā paḌā hai

pighaltī chāñdnī bahtī phire hai

adan kā nuur dil meñ aa paḌā hai

gulon ki aankh mein kanTa paDa hai

ye sahrai safine aa paDa hai

lahu ki chhab hai sine ki rawani

pe is chhinTe mein kul dariya paDa hai

palaT aae hain le kar arsh se KHak

ye sidha ram hamein ulTa paDa hai

zamin par aa gira mahtab ka hath

sitaron ka jigar TuTa paDa hai

hawai shahr mein be-sudh hai suraj

gharon par sham ka saya paDa hai

pighalti chandni bahti phire hai

adan ka nur dil mein aa paDa hai