گلوں میں رنگ نہیں موسم بہار نہیں

گلوں میں رنگ نہیں موسم بہار نہیں

مری حیات مگر پھر بھی سوگوار نہیں

ہے دور عشق یہاں جبر و اختیار نہیں

سکون دل کے لئے کوئی بے قرار نہیں

یہی عروج محبت یہی اصول وفا

کسی سحر کے لئے شام انتظار نہیں

غم و خوشی تو یہاں آتے جاتے رہتے ہیں

مگر یہ زیست کا اے دوست اعتبار نہیں

ہر ایک شے میں اسی کا جمال ہے موجود

دل و نظر کو مری کوئی انتشار نہیں

الٰہی بخش دے ہر ایک کے گناہوں کو

وہ کون ہے جو ترے آگے شرمسار نہیں

نسیمؔ آ کے پریشاں ہے ایسے صحرا میں

جہاں نہ آب و گیاہ گل نہیں ہے خار نہیں