gulshan gulshan KHak uDi aur viranon mein phul khile

gulshan gulshan ḳhaak uḌī aur vīrānoñ meñ phuul khile

ab ke baras yuuñ mausam badlā zindānoñ meñ phuul khile

ḳhushbū rut ne jaate jaate dil par aisī dastak dī

bhūlī bisrī yādeñ jāgīñ gul-dānoñ meñ phuul khile

jū-e-lahū āñkhoñ se phūTī kisht-e-vafā sairāb huī

ḳhūn-e-gulū jab dasht pe chamkā afsānoñ meñ phuul khile

Duub sako to pyaar kā sāgar aaj bhī hai pāyāb bahut

sāhil se kyā dekh sakoge tūfānoñ meñ phuul khile

aaj achānak is kūche meñ le aa.e āvāra qadam

jis kūche meñ barsoñ guzre armānoñ meñ phuul khile

ḳhvāb hue vo din jab dil kī bātoñ meñ aa jaate the

ab to ye bhī yaad nahīñ kab paimānoñ meñ phuul khile

gulshan gulshan KHak uDi aur viranon mein phul khile

ab ke baras yun mausam badla zindanon mein phul khile

KHushbu rut ne jate jate dil par aisi dastak di

bhuli bisri yaaden jagin gul-danon mein phul khile

ju-e-lahu aankhon se phuTi kisht-e-wafa sairab hui

KHun-e-gulu jab dasht pe chamka afsanon mein phul khile

Dub sako to pyar ka sagar aaj bhi hai payab bahut

sahil se kya dekh sakoge tufanon mein phul khile

aaj achanak is kuche mein le aae aawara qadam

jis kuche mein barson guzre armanon mein phul khile

KHwab hue wo din jab dil ki baaton mein aa jate the

ab to ye bhi yaad nahin kab paimanon mein phul khile