gulshan mein baDe zor ka tufan uTha hai

gulshan meñ baḌe zor kā tūfān uThā hai

jab bhī koī phūloñ kā nigahbān uThā hai

duniyā ke badalne kā farishte nahīñ aa.e

jab jab bhī uThā hai koī insān uThā hai

siine ke liye dāman-e-gul fasl-e-ḳhizāñ meñ

har baar koī chāk-garebāñ uThā hai

maiñ is ke sivā kuchh nahīñ kahtā mire saaqī

'shārib' tirī mahfil se pashemān uThā hai

gulshan mein baDe zor ka tufan uTha hai

jab bhi koi phulon ka nigahban uTha hai

duniya ke badalne ka farishte nahin aae

jab jab bhi uTha hai koi insan uTha hai

sine ke liye daman-e-gul fasl-e-KHizan mein

har bar koi chaak-gareban uTha hai

main is ke siwa kuchh nahin kahta mere saqi

'shaarib' teri mahfil se pasheman uTha hai