گلشن پہ گل پہ اور فضاؤں پہ خاک ڈال

گلشن پہ گل پہ اور فضاؤں پہ خاک ڈال

پھر بھی بچے تو میری صداؤں پہ خاک ڈال

زلفوں پہ خاک ڈالنا توہین حسن ہے

کوئی سبب نکال گھٹاؤں پہ خاک ڈال

اس بار تیرے کام نہیں آ سکا نہ میں

میری گزشتہ ساری عطاؤں پہ خاک ڈال

وہ حال ہے کہ حال جو دیکھوں تو دل کہے

ماضی پہ اپنے تھوک وفاؤں پہ خاک ڈال

میرا علاج یار کی انگلی کے لمس ہیں

جانے بھی دے طبیبہ دواؤں پہ خاک ڈال

اک با حیا سے اس کی ردا چھن نہ جائے دیکھ

رب کریم تیز ہواؤں پہ خاک ڈال