gulshan pe gul pe aur fazaon pe KHak Dal

gulshan pe gul pe aur fazāoñ pe ḳhaak Daal

phir bhī bache to merī sadāoñ pe ḳhaak Daal

zulfoñ pe ḳhaak Dālnā tauhīn-e-husn hai

koī sabab nikāl ghaTāoñ pe ḳhaak Daal

is baar tere kaam nahīñ aa sakā na maiñ

merī guzishta saarī atāoñ pe ḳhaak Daal

vo haal hai ki haal jo dekhūñ to dil kahe

maazī pe apne thuuk vafāoñ pe ḳhaak Daal

merā ilaaj yaar kī unglī ke lams haiñ

jaane bhī de tabība davāoñ pe ḳhaak Daal

ik bā-hayā se us kī ridā chhin na jaa.e dekh

rabb-e-karīm tez havāoñ pe ḳhaak Daal

gulshan pe gul pe aur fazaon pe KHak Dal

phir bhi bache to meri sadaon pe KHak Dal

zulfon pe KHak Dalna tauhin-e-husn hai

koi sabab nikal ghaTaon pe KHak Dal

is bar tere kaam nahin aa saka na main

meri guzishta sari ataon pe KHak Dal

wo haal hai ki haal jo dekhun to dil kahe

mazi pe apne thuk wafaon pe KHak Dal

mera ilaj yar ki ungli ke lams hain

jaane bhi de tabiba dawaon pe KHak Dal

ek ba-haya se us ki rida chhin na jae dekh

rabb-e-karim tez hawaon pe KHak Dal