gulzar hai daghon se yahan tan-badan apna
gulzār hai dāġhoñ se yahāñ tan-badan apnā
kuchh ḳhauf ḳhizāñ kā nahīñ rakhtā chaman apnā
ashkoñ ke tasalsul ne chhupāyā tan-e-uryāñ
ye āb-e-ravāñ kā hai nayā pairahan apnā
kis tarah bane aise se insāf to hai shart
ye vaz.a mirī dekho vo dekho chalan apnā
inkār nahīñ aap ke ghar chalne se mujh ko
maiñ chalne ko maujūd jo chhoḌo chalan apnā
maskan kā pata ḳhāna-ba-doshoñ se na pūchho
jis jā pe ki bas gir rahe vo hai vatan apnā
gulzar hai daghon se yahan tan-badan apna
kuchh KHauf KHizan ka nahin rakhta chaman apna
ashkon ke tasalsul ne chhupaya tan-e-uryan
ye aab-e-rawan ka hai naya pairahan apna
kis tarah bane aise se insaf to hai shart
ye waza meri dekho wo dekho chalan apna
inkar nahin aap ke ghar chalne se mujh ko
main chalne ko maujud jo chhoDo chalan apna
maskan ka pata KHana-ba-doshon se na puchho
jis ja pe ki bas gir rahe wo hai watan apna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
