gum-sum baiTha soch raha hun dil mein ek junun bhare

gum-sum baiThā soch rahā huuñ dil meñ ek junūn bhare

kitnī bechainī dete haiñ vo do nain sukūn bhare

aa sakte ho dekhnī ho gar vīrāne meñ shādābī

mere andar sahrā haiñ aur sahrā bhī zaitūn bhare

qadam qadam par qurbānī de qadam qadam par dukh jhele

har rishte kī god meñ kitnī ḳhushiyāñ ik ḳhātūn bhare

yaad kisī kī bhar detī hai ek ḳhumār sā āñkhoñ meñ

qurb kisī kā jaise merī rag-rag meñ afyūn bhare

dil kī baat kisī ko samjhāne kī ḳhātir ġhazloñ meñ

kaise kaise sher kahe haiñ aur kyā kyā mazmūn bhare

rangoñ meñ 'shahbāz' ḳhushī kā rang numāyāñ thā us par

merī sālgirah par jis ne sāñsoñ se ballōn bhare

aaj use 'shahbāz' hamāre dukh-sukh kā ehsās nahīñ

pahle pahle ḳhat likhtī thī vo jo ham ko ḳhuun bhare

gum-sum baiTha soch raha hun dil mein ek junun bhare

kitni bechaini dete hain wo do nain sukun bhare

aa sakte ho dekhni ho gar virane mein shadabi

mere andar sahra hain aur sahra bhi zaitun bhare

qadam qadam par qurbani de qadam qadam par dukh jhele

har rishte ki god mein kitni KHushiyan ek KHatun bhare

yaad kisi ki bhar deti hai ek KHumar sa aankhon mein

qurb kisi ka jaise meri rag-rag mein afyun bhare

dil ki baat kisi ko samjhane ki KHatir ghazlon mein

kaise kaise sher kahe hain aur kya kya mazmun bhare

rangon mein 'shahbaz' KHushi ka rang numayan tha us par

meri salgirah par jis ne sanson se balloon bhare

aaj use 'shahbaz' hamare dukh-sukh ka ehsas nahin

pahle pahle KHat likhti thi wo jo hum ko KHun bhare