گماں اندر گماں کی کیفیت ہے
گماں اندر گماں کی کیفیت ہے
زمیں پر آسماں کی کیفیت ہے
بدن پر برف کو محسوس کرنا
کوئی آب رواں کی کیفیت ہے
یہ کیسا تجربہ ہے سوچتا ہوں
مکاں میں لا مکاں کی کیفیت ہے
کوئی آواز ابھری ہے بدن میں
سکوت جاوداں کی کیفیت ہے
نہیں ہوں میں نہیں ہوں بولتا ہوں
نہیں میں یعنی ہاں کی کیفیت ہے
ترے لب جھیل پر ابھرے ہوئے ہیں
عجب زخم نہاں کی کیفیت ہے
طریرؔ اک بار جینا چاہتا ہوں
جو سب آئندگاں کی کیفیت ہے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
