gumnam kya karoge chalo hum hi kho gae

gumnām kyā karoge chalo ham hī kho ga.e

oḌhe kafan vafā kā sukūñ pā ke so ga.e

sannāTā hotā aayā hai jin kī sadāoñ par

ḳhāmosh karne vaale hī ḳhāmosh ho ga.e

nazreñ talāsh kartī haiñ mahfil meñ ab unheñ

mahfil ko suunī chhoḌ ke mahfil se jo ga.e

vālid jo lauT aa.e to khāne ko lā.eñge

bachche is intizār meñ bhūke hī so ga.e

kaise kahūñ 'ayāz' ġhazal kis tarah kahī

har lafz apne ḳhuun meñ ham to Dubo ga.e

gumnam kya karoge chalo hum hi kho gae

oDhe kafan wafa ka sukun pa ke so gae

sannaTa hota aaya hai jin ki sadaon par

KHamosh karne wale hi KHamosh ho gae

nazren talash karti hain mahfil mein ab unhen

mahfil ko suni chhoD ke mahfil se jo gae

walid jo lauT aae to khane ko laenge

bachche is intizar mein bhuke hi so gae

kaise kahun 'ayaz' ghazal kis tarah kahi

har lafz apne KHun mein hum to Dubo gae