ghunche kahin hain gul hain kahin baghban kahin

ġhunche kahīñ haiñ gul haiñ kahīñ bāġhbāñ kahīñ

hogā na aisā ujḌā huā gulsitāñ kahīñ

allah re husn-e-dost kī rānā.i-e-jamāl

ho jaa.e mahv-e-dīd na saarā jahāñ kahīñ

apne marīz-e-hijr kī kuchh lījiye ḳhabar

dam toḌ de na aap kā ab nīm-jāñ kahīñ

vāraftagī-e-zauq-e-mohabbat na pūchhiye

sajda kahīñ jabīñ hai kahīñ āstāñ kahīñ

mahfil meñ aa.e jaam jo mujh tak zahe-nasīb

baaqī na rah gayā ho mirā imtihāñ kahīñ

ġhairoñ se sunñe vaale mirī dāstān-e-ishq

ho merī dāstāñ na tirī dāstāñ kahīñ

ġhairoñ se rabt-o-zabt hai 'aslam' se be-ruḳhī

ye bhī vafā ke taur haiñ ai mehrbāñ kahīñ

ghunche kahin hain gul hain kahin baghban kahin

hoga na aisa ujDa hua gulsitan kahin

allah re husn-e-dost ki ranai-e-jamal

ho jae mahw-e-did na sara jahan kahin

apne mariz-e-hijr ki kuchh lijiye KHabar

dam toD de na aap ka ab nim-jaan kahin

waraftagi-e-zauq-e-mohabbat na puchhiye

sajda kahin jabin hai kahin aastan kahin

mahfil mein aae jam jo mujh tak zahe-nasib

baqi na rah gaya ho mera imtihan kahin

ghairon se sunne wale meri dastan-e-ishq

ho meri dastan na teri dastan kahin

ghairon se rabt-o-zabt hai 'aslam' se be-ruKHi

ye bhi wafa ke taur hain ai mehrban kahin