gung hain sari zaminen aasman hairat-zada

guñg haiñ saarī zamīneñ āsmāñ hairat-zada

raftagāñ shashdar sabhī ā.indagāñ hairat-zada

chuus letī hai zamīñ paanī jahāñ hoñ nafrateñ

ḳhushk hotī nahr pe mat hoñ kisāñ hairat-zada

kaun ghar kā hai ye dhovan kis kī hai yaḳh-bastagī

barf hotī is nadī kā sab dhuāñ hairat-zada

is tahayyur-ḳhez shahr-e-nūr kī har shai ajab

har yaqīñ hairat-zada har-ik gumāñ hairat-zada

dāḳhle par taḳhtiyāñ haiñ jin pe kunda naam haiñ

kaun kaise kis tarah aur hai kahāñ hairat-zada

sañg-e-marmar se banā jañgal jahān-e-ārzū

daftarī lahja liye maiñ ik javāñ hairat-zada

kis tarah kā dars mujh ko de rahā hai āftāb

sahn-e-maktab meñ kahīñ hai kahkashāñ hairat-zada

zikr thā malfūf kun kā āsmāñ kī baat thī

sun rahā thā shahr saarā dāstāñ hairat-zada

gung hain sari zaminen aasman hairat-zada

raftagan shashdar sabhi aaindagan hairat-zada

chus leti hai zamin pani jahan hon nafraten

KHushk hoti nahr pe mat hon kisan hairat-zada

kaun ghar ka hai ye dhowan kis ki hai yaKH-bastagi

barf hoti is nadi ka sab dhuan hairat-zada

is tahayyur-KHez shahr-e-nur ki har shai ajab

har yaqin hairat-zada har-ik guman hairat-zada

daKHle par taKHtiyan hain jin pe kunda nam hain

kaun kaise kis tarah aur hai kahan hairat-zada

sang-e-marmar se bana jangal jahan-e-arzu

daftari lahja liye main ek jawan hairat-zada

kis tarah ka dars mujh ko de raha hai aaftab

sahn-e-maktab mein kahin hai kahkashan hairat-zada

zikr tha malfuf kun ka aasman ki baat thi

sun raha tha shahr sara dastan hairat-zada