ghurur-e-katib-e-taqdir toD Dalte hain

ġhurūr-e-kātib-e-taqdīr toḌ Dālte haiñ

chalo ye ābla-e-baḳht phoḌ Dālte haiñ

jo ham ne dekhā use koī aur kyoñ dekhe

ham us ke jaate hī ā.īna toḌ Dālte haiñ

raqīb haiñ tire kūche ke sab sag-e-duniyā

jo 'āshiq aatā hai us ko bhañbhoḌ Dālte haiñ

bigaḌne dete nahīñ ham mohabbatoñ kā hisāb

makān-e-naf' ḳhasāroñ se toḌ Dālte haiñ

kare jo ek bhī nekī to us ke khāte meñ

ham apnī nekiyāñ lākhoñ karoḌ Dālte haiñ

na bach rahe kahīñ mā'nī ke nuur kī koī buuñd

ham apnā qāfiya itnā nichoḌ Dālte haiñ

hamārī niiñd se ham ko uThā nahīñ paate

ye zalzale jo zamīñ ko jhiñjhoḌ Dālte haiñ

sivā.e 'ishq kisī kaam ke nahīñ 'ehsās'

koī bhī kaam diyā jaa.e goḌ Dālte haiñ

ghurur-e-katib-e-taqdir toD Dalte hain

chalo ye aabla-e-baKHt phoD Dalte hain

jo hum ne dekha use koi aur kyon dekhe

hum us ke jate hi aaina toD Dalte hain

raqib hain tere kuche ke sab sag-e-duniya

jo 'ashiq aata hai us ko bhanbhoD Dalte hain

bigaDne dete nahin hum mohabbaton ka hisab

makan-e-naf' KHasaron se toD Dalte hain

kare jo ek bhi neki to us ke khate mein

hum apni nekiyan lakhon karoD Dalte hain

na bach rahe kahin ma'ni ke nur ki koi bund

hum apna qafiya itna nichoD Dalte hain

hamari nind se hum ko uTha nahin pate

ye zalzale jo zamin ko jhinjhoD Dalte hain

siwae 'ishq kisi kaam ke nahin 'ehsas'

koi bhi kaam diya jae goD Dalte hain