guzar chuka hai jo lamha wo irtiqa mein hai

guzar chukā hai jo lamha vo irtiqā meñ hai

mirī baqā kā sabab to mirī fanā meñ hai

nahīñ hai shahr meñ chehra koī tar o taaza

ajiib tarah kī ālūdgī havā meñ hai

har ek jism kisī zāviye se uryāñ hai

hai ek chaak jo maujūd har qabā meñ hai

ġhalat-ravī ko tirī maiñ ġhalat samajhtā huuñ

ye bevafā.ī bhī shāmil mirī vafā meñ hai

mire gunāh meñ pahlū hai ek nekī kā

jazā kā ek havāla mirī sazā meñ hai

ajiib shor machāne lage haiñ sannāTe

ye kis tarah kī ḳhamoshī har ik sadā meñ hai

sabab hai ek hī merī har ik tamannā kā

bas ek naam hai 'āsim' ki har duā meñ hai

guzar chuka hai jo lamha wo irtiqa mein hai

meri baqa ka sabab to meri fana mein hai

nahin hai shahr mein chehra koi tar o taza

ajib tarah ki aaludgi hawa mein hai

har ek jism kisi zawiye se uryan hai

hai ek chaak jo maujud har qaba mein hai

ghalat-rawi ko teri main ghalat samajhta hun

ye bewafai bhi shamil meri wafa mein hai

mere gunah mein pahlu hai ek neki ka

jaza ka ek hawala meri saza mein hai

ajib shor machane lage hain sannaTe

ye kis tarah ki KHamoshi har ek sada mein hai

sabab hai ek hi meri har ek tamanna ka

bas ek nam hai 'asim' ki har dua mein hai